مصر امتص دمها ومحتاجة نقل دم

عسكري أمن مركزي
.الوش طيب أوي
و العيون عسلي
...باينه حكم القوي
عليك يا ولدي
النظره م الطيبة
و البشرة خمرية
من رعبي على ولدي
باكيه دماً عنيا
مجبور تحارب أخوكو
الجبر ما عليه حساب
لاجل الأمان علموك
تكتم صراخ الشباب
تضرب في قلب البل
دتطلق عليهم كلاب
تشيل عصا و سلاح
و عنيك ماليها الضباب
افتح قلبك وشوف
فين رايحة خطوتك
على مين بتطلق
يا ضنايا طلقتك ؟
على أخوك
و لا ابن عمك
و لا ولاد حتتك
كبدي عليك يا ولدي
باينه حكم القوي
مجبور تحارب أخوك
عشان ما تكسب لقمتك
لجيهان الشعراوي
من ديوان " بنت مين في مصر